Está formado por unha corrente variable de auga natural que nace en Aciveiro ao xuntarse os regatos de Raigosa, Filloi e Alende e pasa polos concellos de A Estrada, Cuntis, Moraña, Caldas de Reis, Portas, Meis, Ribadumia e desemboca en Cambados na ría de Arousa creando o Complexo Intermareal Umia-Grove. Ten unha lonxitude aproximada de 70 km. e un caudal medio de 16 m3
Afluentes: río Gallo, Cabaleiros, Follente, Bermaña, Saiar, Grela, Insuela, Grixó, Chaín Cañón e Armenteira.
Nas marxes da desembocadura do río atopamos diversas especies de xuncáceas debido ás condicións especiais de auga con mestura de doce e salgada con alto aporte de materia orgánica. Este ecosistema é aproveitado por diferentes especies de aves ao longo do ano.
Este ecosistema que transcorre pola beira do río formando parte da prolongación do Complexo Intermareal Umia-Grove, foi declarado Refuxio da Fauna no ano 1989, Zona Húmida de Importancia Internacional (RAMSAR), Zona de Especial Protección para as Aves e Espazo Natural en Réxime de Protección Xeral no ano 1990.
© 2018 - Obradoiro de Emprego
"Renovación Urbana e Medioambiental Cambados Cidade Europea do Viño "
by rDesigners 2018